ह.भ.प. श्री चारुदत्त गोविंदस्वामी आफळे

श्री चारुदत्त गोविंदस्वामी आफळे हे संपूर्ण भारतात आणि परदेशातही 'राष्ट्रीय कीर्तनकार' म्हणून प्रसिद्ध आहेत. त्यांना कीर्तनाचे शिक्षण आई वडिलांकडूनच (कै. गोविंदस्वामी आफळे आणि कै. सुधाताई आफळे) मिळाले. आफळे घराण्यात कीर्तनाची परंपरा चारशे वर्षांपासून आहे. आफळे घराणे मूळ क्षेत्र माहुलीचे, सज्जनगड पायथ्याचे. समर्थांचे काळापासून या घरात कीर्तन सेवेचे व्रत आहे. ते व्रत बुवा निष्ठेने पार पाडित आहेत. कीर्तनाच्या क्षेत्रात बुवांचे नाव आघाडीचे कीर्तनकार म्हणून घेतले जाते.

1988 ते 2023 ह्या 35 वर्षात त्यांनी 10,000 च्या वर कीर्तने, प्रवचने केली आहेत. भारतात महाराष्ट्र, गुजरात, बंगाल, कर्नाटक, दिल्ली तसेच अनेक वेळा अमेरिका, कॅनडा, दुबई, कुवेत, ऑस्ट्रेलिया, न्यूझीलंड अश्या देशांमध्ये त्यांनी आपली कला सादर केली आहे.

रत्नागिरी इथे गेली 12 वर्षे सलग ‘कीर्तनसंध्या’ या कार्यक्रमांतर्गत शिवाजी महाराज तेह कारगिल चे युद्ध असा संपूर्ण इतिहास कीर्तनातून मांडला आहे. आकाशवाणी साठी ‘बोराची शेती कशी करावी’, सरकारी कार्यक्रमांमध्ये ‘पाणी अडवा पाणी जिरवा’ तसेच ‘कचरा निर्मूलन’ किंवा पुण्यातील Dibetic association साठी ‘मधुमेह’ यांसारख्या वेगळ्या विषयांवर त्यांनी कीर्तन केले आहे. भारताने केलेल्या surgical strike विषयी सुध्हा त्यांचे कीर्तन झाले आहे.